نداء لكل الصفحات ا لشريفة ان الأوان للمطالبة بحكومة انقاذ وطني يترأسها السيد أحمد المستيري المشهود له بالكفائة العالية و يثق فيه الجميع والتوقف فورا عن المطالب الاجتماعية حتى اكتمال الثورة و إسقاط حكومة الغنوشي ألي مكبش بيده و ساقيه بش يربح لوقت بتيعلت إقتصاد و بلاد تدخل في حيط ! ماتخافش يا غنوش...ي مانحيروش بلاش بيك البلاد فيها رجال و نكونو حكومة و البلاد تاقف على ساقيها بقدرت ربي...
-بالنسبه للجماعه الي يقولو موش معناتها الي صار في مصر يلزمنا نعمولوه في تونس انا انقولو الي الناس الفاهمه الكل طالبة بالشئ هذا من اول يوم و الدليل مبادرة المستيري الي شاركت فيها كل قوى المجتمع التونسي اما طفاوها على خاطرها موش في مصلحة سي حكيم القروي و من وراه فرنسا
و زيد الشعب التونسي تبارك الله عليه سيب كل شئ و مشى كل واحد يجري على مصلحتو الخاصه و نسى الثوره
و مكتسباتها و الحريه و الكرامه و الشعارات الي رفعت
نداء الي كل احرار تونس و شرفاء الاتحاد العام التونسي للشغل و الهيأة الوطنيه للمحامين و القضاة و الاتحاد العام للطلبه و كل الصحفيين الشرفاء و كل الشباب الي قلبوا على تونس و الثوره الرجاء تعبئة الرأي العام و النزول في مظاهرات سلميه دون اي عنف و المطالبه بكل وضوح بمجلس تأسيسي يتم تعيينه من قبل الجيش هذا المجلس يتكون من كفاءات سياسيه و رجال قانون و مستقلين مهمتهم تكوين حكومة مؤقته لتسيير البلاد و الشروع في اعداد دستور جديد و قوانين جديده و حل البرلمان و مجلس المستشارين الحاليين و يتم التأسيس لمرحله جديده من تاريخ تونس و اخراج البلاد من الفوضى الي سببها الوحيد هو انو حكومه الغنوشي غير قادره على اخذ القرارات الحاسمه و المصيريه للبلاد و الي هي قاعده تستهبل في الشعب بالوعود الكاذبه في الزيادات و الترقيات لالهاء الشعب عن السياسه في الحين الي هي عارفه انها موش قادره على كل هذا لانو و بكل بساطه بن على هرب بالفلوس الكل و زيد الخسائر الناجمه عن الثوره و السبب الثاني الي الحكومه هاذي تعاني من مشكلة تنفذ المدراء العامين داخل الوزارات الي انتمائهم الكل للتجمع و الي يحبوا يحافظو على مصالحهم
لذلك نرى اغلب الوزراء الجدد موش قادرين على التحرك السريع نتيجة التكبل و هالمدراء موش باش يخافو مادام عارفين الي الغنوشي و المبزع هوما الي يحكموا في البلاد
يا ناس ايش تتوقعوا من ناس خدموا 10 و 20 عام مع بن علي مهما كانت نظافتهم يبقوا ديما مايحسوش بنبض الشارع و طموحاته يبقوا ديما بالتفكير القديم اخطاونا و يزيونا و الاعتماد على المساعدات الخارجيه و هاكي السياسه القديمه
الرجاء كل الرجاء الاعتصام بكل تحضر و الشعارات يجب ان تكون واضحه و النداء واضح نريد مجلس تاسيسي من كل قوى الشعب الي ساهم في الثوره هو الوحيد الي قادر يخرج البلاد من الفوضى
المشاركات
ليست هناك تعليقات:
إرسال تعليق