مواطن فادد من الوضع

عالسلامة يا جماعة عندي برشا ما تكلمتش أما الله غالب شي ينطق من الأجناب
حبّيت نحكيلم شوية على انجازات الثورة
انجازات عظيمة جدا غنوشي الوزير في السلطة و المبزّع في الرئاسة و الزوز من الحزب الدكتاتوري .
الشابي "المعارض" يتغزّل بكمال مرجان و الغنوشي و يعارض حل لحزب الدستوري و يحضر في الإنتخابات(طول النهار مادد وجهو في التلفزة) وقلّك ش...ادد وزارة التنمية لا نهار شفناه لا في القصرين و لا سيدي بوزيد ظاهر فيه يحسابها وزارة تنمية شعبيتو
حبيت زاده نحكي على العفو التشريعي أو الكذبة الكبرى مارينا منو شي المجرّمه هربت من الحبوسات و مثقفي البلاد من سجناء الرأي سواء كانوا من ليسار أو الإسلامين لا يزالون في السجن
وبرّة عاد هاك اللغة متاع عهد بن علي اجراءات قانونية تستغرق بعض الوقت و ننظرو في الملفات دخلني من الباب نخرجك من الخوخة ياحسابو المواطن التونسي سيدي تاتا
تي ماهو كانك باش تسيّبهم سيّبهم و يزّي من اللغة و التبلفيط ولاّ هات ضمانات أما لوغة تو غدوة فدينا منها
من انجازات الثورة زادة ولد السرياطي خذا منصب أمني في البلاد مما يدل عبى حسن نيّة الحكومة و قلبها الحنون الطيّب
باختصار الإلتفاف على ثورة جار على قدم و ساق و الشعب التونسي راقد و أحنا وين ما نجيو نتكلمو يزي شبيك تفتن يزي من التنبير...... أيّها الشعب التونسي هنيئا لك بنومك العميق و عندما تستفيق ستجد نفسك في ما قبل 14 جانفي